梨滿園韓國料理 (已結業)

好耐冇食韓國炸雞，於是專程搵間炸雞醫肚，當然第一吸引我嘅係價錢：90分鐘任食炸雞都只係$128，啱晒食肉獸嘅我😍上炸雞之前先黎齊開胃前菜，全部係韓國風味炸雞有五種口味，鍾意食炸雞嘅我當然唔會放過全部試晒，有酸甜味、有微辣嘅，芝士味、仲有好正嘅蜜糖味，一次滿足晒五個願望，最重要係任食唔嬲，服務態度也很不錯。雞肉外脆內嫩，雞肉完全唔會鞋口，香口得黎keep到肉汁，爽！食完炸雞order一杯滋潤蜂蜜柚子茶～雖然一心一意過去食炸雞，當然仲有好多唔同嘅韓式料理選擇，價錢睇落都幾抵食、下次試埋人參雞湯同牛肋骨湯！