滋味屋

營業中

休息中

今日放工經過西灣河，又去左飲食地標太安樓搵野食。近排疫情關係，加上太安樓本身比較人煙稠密，小編出街堂食既意欲好低，所以就去左搵外賣。呢間滋味屋晚市主打單/雙餸飯，另外都有得買湯/飲品同淨餸。餸既選擇唔少既，有菜有肉，總共有大概十款，放滿曬全間店。小編要左個雙餸飯，㨂左炒牛柳同豬軟骨。個飯盒入面飯同餸份量都幾多，感覺好抵食，但味道坦白講唔算太吸引。值得留意既係，成間店既餸菜除左前面幾款有塊板之外，其他都係無遮、無掩、無恆溫，就咁擺係度，返到去更加完全凍曬，感覺唔係好衛生，但食完總算無肚痛既。總括而言，小編唔係太推介呢間外賣店，特別係全城置身於疫情既水深火熱中，該店既食物衛生的確有進步既空間。