多寶樂茶餐廳

營業中

休息中

今日第一次上環返工，食飯唔知食咩好，但見到有間茶餐廳排哂隊，之後我就行去睇睇。唔睇還好，一睇走唔到！中上環地區，可以做到30多少少就買到一個飯，唔怪得咁多人去果到排隊。外賣32蚊，仲有10個餐，唔同野食，其中有炒飯炒面，又有蒸飯湯飯，又有特色本地食物。最緊要係，仲要免費包埋湯！咁平既野，唔試都對唔住自己！今日想食清淡少少，試個蒸飯+湯。唔洗等好耐，1分鐘搞掂，可以拎走返去食，效率十足。打開後發覺唔會令你失望，排骨肉多骨少，岩哂我依個食肉獸。個湯味精唔多，又有粟米同紅蘿蔔，健健康康。走之前，仲見到旁邊有個下午茶，飯面都係33蚊，一d都唔貴，值得聽日再黎，期待聽日再試試。