大門食堂 (德福廣場) (已結業)

拉麵大家都一定好鐘意食，但自從半年前起，味千、豚王我都唔建議大家食，咁今日就同大家介紹一間連鎖既良心日式料理店😂！大家行過可以試下！果日我試左好耐無食既沾麵，大門沾麵既湯底應該係魚介豚骨湯底，我要先讚讚個湯，味道係夠同埋表頭唔多油，相對健康少少！麵條腍硬度都ok，都掛到湯！每碗都有兩舊日底叉燒，都有少少肥，都還可以！大家食到最後可以問店員拎木魚花湯加落沾麵汁，加埋木魚花湯，味道變得相對暖和，都唔錯！我食果陣睇某食評網既食評真心笑左出嚟😂！有人話呢間係間好傳統既拉麵店！我就有點保留😂！1️⃣.舖頭有水供應，但唔明白點解會係熱水😐，傳統既話應該係冰水。2️⃣.沾麵汁唔太熱，只微微暖，相對係失色D！我唔會話呢間係好正好傳統，我會話呢間餐廳係地道D，岩香港人口味，同埋比較平，因為最平果款拉麵都係賣$40-50，價錢相對比較貼地，所以想頂拉麵癮既朋友，都可以試試呢間良心日式餐廳。