十勝牛和食料理 (已結業)

住天水圍既人都無乜邊個未食過十勝牛啦！最近佢出左火鍋，緊係試試佢！叫左個牛肉鍋，湯底揀左醬油，另外仲有豬骨同泡菜湯底揀。個湯底同d牛肉其實ok既，係d配料比較少，個配料筒個底機乎全部都係菜，又無跟烏冬或者拉麵果d，雖然有跟一碟壽司，但都唔係好夠飽。如果d配料可以加d丸呀，獅子狗呀果d應該會好d！不過平平地黎講其實都ok既，先五十幾蚊，可以再叫其他野食！我就另外再叫壽司，呢度d壽司我覺得唔錯㗎，次次都會嗌三文魚壽司同炙燒帶子壽司😋晚餐時間等位要等好耐㗎，記住提早d黎！