Big John (已結業)

呢度環境普通，地方比較舊，大家睇相，唔介紹了。黑椒雞扒飯黑椒都幾辣，黑椒味濃，雞扒應煎過，面頭脆口，味道唔錯。薑蔥豬扒 豉油撈丁一丁麵無乜顏色，好似無味，但係食落薑蔥豉油味好足，豬扒面頭撲上薄炸粉再炸，所以好脆，不過豬扒本身無咩肉味。凍奶茶少冰茶味唔夠香濃，味道普普通通。格仔餅格仔餅要額外加多$15，呢度好多人食格仔餅，不過我覺得呢個格仔餅唔係太熱，唔夠脆，唔夠鬆軟，花生醬加煉奶味道還可以，但整體未合格。五六十蚊嘅價錢不能要求太嚴格，我覺得算係過得去嘅快餐。