木船泰國粉麵專門店 (已結業)

今日去咗太和中心一間平民泰國菜食lunch，全間餐廳都係採用咗木嘅設計，無論餐枱餐桌定係牆，都係以木嘅元素設計。澳洲穀飼牛肉飯 $88大大碗嘅澳洲穀飼牛肉飯，上面有青木瓜沙律，中間有一隻溫泉蛋，之後就有澳洲穀飼牛肉飯，廚師好細心咁等我哋食咗前菜木瓜沙律，之後再食澳洲穀飼牛肉飯加溫泉蛋，牛肉煎得啱啱好，而溫泉蛋係流心溫泉蛋。燒豬頸肉咖喱飯 $88套餐配咗炸金菇、青木瓜沙律、泰式春卷、雞卷、魚餅，另外咖喱可以選擇黃咖喱或者青咖喱，而餐湯我哋揀咗冬陰功湯，豬頸肉燒得好好，外脆內軟，配合埋黃咖喱，味道好夾，仲有幾款唔同嘅小食配搭，好抵食。