影片
更多
2024-02-08
283 瀏覽
約咗朋友嚟佐敦交收，趁空檔喺附近食個午餐。喺兩餸飯隔個舖位見到有間「山水清湯腩」，門面光鮮企理，內在環境舒適，一於入去搵個位坐低。點咗碗清湯崩沙腩河 ($58)，湯底好清甜，入口滿滿牛香，滋味有層次。崩沙腩肥瘦剛好，肉質軟腍；河粉好滑，就算浸耐咗都唔會發脹，絕對值得畀個 like！扎肉伊麵 ($41) 扎肉厚切，肉質結實，味道唔會過鹹。伊麵煮得啱啱好，煙韌又不會過腍，仍然有少少咬口。鮮蝦淨雲吞 ($43) 雲吞勁大粒，餡料飽滿，內有豬肉同鮮蝦，皮薄餡豐，足料又抵食！牛肉羹 ($39) 牛肉羹好有特色，以人手炮製，size 大小不一，肉質滑溜又彈牙。湯底落咗好多薑絲，碗內還有兩大塊蘿蔔，入口清甜又無渣。跟餐飲品點咗熱檸茶同熱奶茶，原來熱飲、凍飲都係+$8，非常實惠。
約咗朋友嚟佐敦交收，趁空檔喺附近食個午餐。喺兩餸飯隔個舖位見到有間「山水清湯腩」，門面光鮮企理，內在環境舒適，一於入去搵個位坐低。
點咗碗清湯崩沙腩河 ($58)，湯底好清甜，入口滿滿牛香，滋味有層次。崩沙腩肥瘦剛好，肉質軟腍；河粉好滑，就算浸耐咗都唔會發脹，絕對值得畀個 like！
扎肉伊麵 ($41) 扎肉厚切，肉質結實，味道唔會過鹹。伊麵煮得啱啱好，煙韌又不會過腍，仍然有少少咬口。
鮮蝦淨雲吞 ($43) 雲吞勁大粒，餡料飽滿，內有豬肉同鮮蝦，皮薄餡豐，足料又抵食！
牛肉羹 ($39) 牛肉羹好有特色，以人手炮製，size 大小不一，肉質滑溜又彈牙。湯底落咗好多薑絲，碗內還有兩大塊蘿蔔，入口清甜又無渣。
跟餐飲品點咗熱檸茶同熱奶茶，原來熱飲、凍飲都係+$8，非常實惠。
張貼
