譽小館 (已易手) 新餐廳

今晚出開彩園交收野，之後去左搵野食，見到間點心舖，可以夜晚食點心太好~間舖都幾大，好多位唔洗點等就可以入，都幾乾淨舒服。野食款式都好多，點心之外仲有港式湯麵同粥，價錢唔貴，當初仲以為商場舖唔會平。上海小籠包，食第一隻既時候好粗心大意咁串左皮，原來個皮好薄。第二隻成功原隻入口，湯汁好鮮甜。手工拉布腸粉，又白又滑，食落仲好柔軟。黑松露帶子餃，咬落已經有好香既黑松露味，夾雜住帶子既味道，而蝦亦都好爽口，皮薄得黎幾煙韌。蘿蔔千絲酥，越黎越少地方有得食既手工點心，店員放低嗰時提我地要小心入面啲餡好熱唔好咁快就食，好細心。個皮好鬆化，入面啲蘿蔔蓉都好軟滑。