樂湯雞麵館 (登龍街) (已結業)

天氣開始涼涼地，最適合飲返碗熱辣辣嘅湯暖下身，今日去咗銅鑼灣嘅「樂湯雞」食返餐平民版嘅鮑參翅肚，店家主打真材實料，無味精嘅雞湯，清清地夠晒健康🙂店員介紹我地食2人餐，只係$278，非常抵食👍🏻砂鍋花膠雞湯翅（半隻）砂鍋上枱時仲係滾到卜卜聲，超足料，有成6、7舊白雪雪又厚身嘅花膠、翅裙邊、咸香嘅雲腿綠、足足半隻雞嘅份量，湯底香濃鮮味，十足十家的味道，飲完亦唔會口渴，健康又養顏🤩醉豬手爽口又Q彈，滿滿嘅骨膠原，除咗指尖嘅部份，店家亦好貼心咁去咗骨，食起上黎非常方便，入口煙煙韌韌帶淡淡嘅黃酒味，加上蟲草花同杞子，真材實料👍🏻雲腿浸娃娃菜唔會有過多嘅調味，突出娃娃菜原有清甜嘅味道鮑汁瑤柱飯推介👍🏻飽汁燴飯味道濃郁，加入香菇絲令口感更加豐富，咸鮮嘅味道一啖接一啖食唔停口紅油花膠魚翅餃大大粒又足料嘅花膠魚翅餃，皮夠薄餡料多，粒粒都勁飽滿，有蝦肉、豬肉、花膠、魚翅，以多種矜貴嘅材料製成，配上辣油更惹味😋📍樂湯雞麵館 (登龍街) (銅鑼灣)銅鑼灣登龍街41-51號地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️