薩莉亞意式餐廳 (已搬遷) 新店位置

今晚去左天水圍舅父度拜年，去完都成8點幾，老婆提議去置富嘉湖食，去到見到蕯莉亞，入去試下。8點幾都要等成半個鐘先入到去，人多呢到呢..野菌忌廉意大利粉黎到熱辣辣，忌廉味濃，又香又滑，汁都唔少，唔會好快乾晒。野菌好多，又彈牙，撈埋忌廉汁一齊食味道無得彈！意粉上面有d芝士粉，加多重點綴，食落更香更入味，重點係只需27蚊，外面點食到？香焗白汁雞肉菠菜呢個菜要稍為等耐少少，始終係焗既食物。白汁非常香濃，不會覺得膩，焗出黎既雞肉好香口，份量一啲都無厄人，雞肉同菠菜份量half half，雞肉肉質嫩滑，切到細細粒，方便食。菠菜雖然焗過，但唔覺得有焦味，加埋白汁食又香口又入味！食飽左，就搭輕鐵回家去。