創意廚房 (已結業)

晏晝放飯時間去咗創意廚房食飯。雖然裏面都幾乎坐滿曬，但係我哋唔使排隊都搵到位入去坐，真係好好彩。今日我叫咗個黑醋水蜜桃咕嚕肉套餐食，諗住食下，酸嘢開胃啲。佢哋嘅上餐速度快，十分鐘內就上曬餐，幾乎坐滿曬客人都可以咁快真係厲害。佢哋嘅擺碟都好精美，唔係就咁將啲餸放上個碟就算。如果你食飯講求feel嘅話，你可能都會鍾意。整體味道都算唔錯。黑醋帶酸，水蜜桃帶甜，撈埋一齊食落口酸酸甜甜十分之開胃，啲汁送飯一流。不過我覺得如果個份量可以再大啲嘅話會再好少少。