堅石燒 (已結業)

石燒烤肉流行了一段時間依然好受歡迎。同事介紹喺旺角「堅石燒」 都是性價比好高嘅石板燒專門店。講起都想食，放咗工約齊飯腳去開餐。石燒好處係唔使成晚都對住個爐，但又有燒烤嘅風味～揀了日本A4 和牛 (200g), 油花分佈均勻， 紋理清晰， 也有十數塊， 放上超高溫嘅熱石， 逼出油份， 吱吱聲響 ，每邊燒數秒便聞到誘人的肉香～～ 肉質夠嫩滑，入口即溶。記得要添加自助沙律吧（＋$18）， 便可以享用飲品，沙律，湯，飯，意粉和甜品， 唔怕唔夠飽。 雖然係任添不過味道唔差喎。 好像雪濃湯， 放了白蘿蔔和不少肉類， 清甜美味。熱飲咖啡機有柑桔綠茶， 酸酸甜甜正好解膩。熱美祿正常好飲！蒜蓉牛油意粉出奇地好味， 有蒜蓉香又唔會太油。沙律預先用密封瓶雪藏，乾淨衛生。 隨個人喜好 可加上芝麻醬汁或和風沙律汁， 美味又健康！韓式厚切鰻魚石鍋飯$98好香燒汁嘅味道， 但感覺鰻魚並非特別厚切～ 熱辣辣嘅鍋飯伴勻各種蔬菜 味道唔錯。焗釀大啡菇好juicy 的大啡菇， 釀入嘅餡料都係菇類， 亦放上芝士濃香惹味！白汁芝士青口雖然只有兩隻青口 ，香濃白汁還有薯蓉， 豐富美味～最後少不了的甜品-- 海鹽雪糕， 焙茶雪糕。