友利坊 x 友利冰室 x 勿當奴 (已結業)

今次想介紹嘅係呢間位於始創中心地牢嘅友利冰室，看似一間普通嘅茶記，但並唔普通。一般西餐廳有嘅嘢佢都有，最特別係佢呢期特別推銷羊腩煲，最啱而家凍凍地食。呢日放工黃昏就去到，但好多位都已經爆曬，證明好多人都鍾意嚟呢度食。個羊腩煲真係值得一試！首先佢嘅羊唔會太過臊，配合冬菇同埋枝竹嘅湯底，真係絕配。另外，佢煮嘅羊肉好腍，極易入口。另外佢嘅日月貝黑松露意粉亦都超好食，除咗元貝好新鮮之外，佢加入咗淡淡嘅黑松露味，令到整個意粉嘅層次都升級唔少，值得一試！