連豐燒味餐室

營業中

休息中

係銅鑼灣返工食晏都好貴，茶記至少都要$60-70，難得係鵝頸橋底搵到間超平燒味飯，單併雙併同價，一律$30！叫左個油雞燒肉飯，可以揀食胸唔洗加錢，大方過嗰啲棋乜燒鵝、大乜燒鵝，話食胸要收多人$10，明明胸就一向無人揀。油雞胸啖啖肉，有少少雞味，而且肉質唔算太韌，肉色澤白淨，甚為不錯。燒肉外皮香脆，可惜欠缺咸香味，肉嘅色澤偏淡粉紅，不是平時嘅啡白色，可能係雪藏得比較耐嘅豬肉，肉質比較韌，同埋有渣。畢竟$30有雙併都不能要求太多，我會繼續幫襯。