丼丼屋 (荷里活廣場)

營業中

休息中

食過好幾次丼丼屋都是在德福商場，今次到荷里活商場突然又好想食丼丼屋，大約排咗十分鐘隊終於入到去。今次叫了兩個定食丼，十勝帶廣名物豚丼並盛$88，特上盛大蝦海鮮丼$128，兩個餐都加配玉子卷定食$25 和芝士蟹蓋$30，再加凍檸茶$10 和熱柚子茶$10。玉子卷上到枱的時候凍凍的， 同埋感覺蒸得太耐有點硬身，不太好食。十勝帶廣名物豚丼並盛， 豚肉多汁野味， 又唔太鹹，好味！ 定食包括海帶湯 (味道比較淡)， 前菜沙律 ( 蔬菜夠新鮮 )， 還有一樣小食青瓜魷魚 ( 甜甜酸酸用嚟送飯唔錯 )特上盛大蝦海鮮丼， 刺身新鮮，海蝦好大隻， 吞拿魚和三文魚啖啖肉，還有帶子夠鮮味。芝士蟹蓋， 味道普通， 雖然好多芝士但食唔到芝士的香味， 同埋蟹蓋入面多數都是蘑菇之類的餡料，不太吸引。個人感覺都幾喜歡丼丼屋這間連鎖定食餐廳， 價錢適中，食物質素有一定的水準。