薩莉亞意式餐廳 (蝴蝶廣場)

營業中

休息中

星期日放假無煮飯，同老公出街食，行嚟行去都唔知食乜好，經過薩莉亞，又唔使排隊，就入去食晚餐。電子自動形式落單，餐廳地方尚算寬敞，環境乾淨，送餐速度快，又唔收加一服務費。Order咗蒜蓉法包，黑松露野菌忌廉意大利粉，溫泉蛋雞肉沙律，野菌雞肉薄餅。（1）蒜蓉法包：好多蒜蓉，香脆好食。（2）黑松露野菌忌廉意大利粉：意粉軟硬適中，黑松露加忌廉，多汁又滑，好鍾意呢個配搭。（3）溫泉蛋雞肉沙律：沙律菜好新鮮，配溫泉蛋和雞肉，口感更香濃順滑，我仲落咗好多芝士粉，非常滿足。（4）野菌雞肉薄餅：啖啖雞肉和野菌，薄餅焗得好香脆。