厚興瑜記手撕雞 (英皇大廈)

營業中

休息中

身為鰂魚涌嘅打工仔，想喺鰂魚涌食個平飯，其實都真係有難度。而講最抵食既，我一定會揀厚興瑜記手撕雞飯。$32有雞有飯有菜仲有飲品，真係好抵食。手撕雞真係好好食，調味得好好，有好香嘅麻油味。而且啲雞皮真係好爽脆，小小油膩感都冇，連平時唔食雞皮嘅我都會忍唔住食哂。雖然係手撕雞， 佢都會有啲骨擺係度，但咁平嘅價錢如果全部俾晒雞肉，又會蝕，所以搵d骨撐住都可以理解。如果好鍾意食雞嘅朋友，可以試吓叫半隻雞，再加個白飯，咁就一定夠食！