水記

營業中

休息中

水記係我媽媽好鐘意去嘅小菜館，可能從前都係媽媽比錢，到宜家大個自己有能力埋單，先發覺點解哩度原來又平又正。咸菜豬肚湯，胡椒同咸菜味中庸。豬肚煲到軟淋，仲有啲草菇同煲。暖暖胃，不錯不錯。送酒一流，街外好少見，仲要只係28蚊嘅滷水雞什，正！滷水汁偏甜，咸度屬低，滷得夠火喉，入哂味，雞什亦唔會乾。同碟嘅係鵝腸唔係雞腸，同樣爽口。芥蘭炒得爽脆無渣，調味帶甜，略嚴多油咗小小。哩碗細嘅蠔仔粥，對我嚟講係”窩”了，只少分到四個碗。加入冬菜嘅粥底，夠哂咸香。蠔仔都夠哂足料，大大粒，係有幾粒老咗啲。