影片
更多
2024-09-25
292 瀏覽
一直都知有呢間餐廳，但成日醒唔起去食，直至淘大有間泰國菜結業，突然想食泰國嘢嘅時候先諗起行遠兩步嘅泰cool，試過先知完全物超所值，仲要地方好大環境乾淨企理，仲有室外地方可以帶寵物泰式春卷 $68八件半條斜切見到好整齊嘅炒粉絲，炸得乾身酥脆唔油膩，點個泰式辣醬好開胃地道椰汁雞湯 $88個椰汁雞湯好鮮甜，充滿泰式香茅味，飲多兩碗都唔會好滯，入面有大量菇片、雞肉、蕃茄仔好足料咖喱牛腩釀巨型麵包 $88本身諗住嗌泰皇咖喱軟殼蟹巨型麵包包，但另外想食個脆麵只有軟殼蟹，加上呢個牛腩麵包性價比更高就揀咗。真心超大份，牛腩都好多，咖喱熱辣辣好濃郁又唔會太鹹，至於個包由頂至底都係外脆內軟，真心推薦泰式軟殼蟹脆麵 $118第一眼見到個脆麵有啲似食中菜嘅炸物墊底嗰啲吸油麵條，但食落勁驚喜，係脆卜卜，淋上甜酸汁超好食，唯一美中不足係個軟殼蟹比較厚粉，不過炸起嚟就大隻啲好睇啲🤣泰式椰絲糕（5件） $38一層大菜糕、一層椰青糕，質地挺身，食完濃味泰菜食返件清新甜品好正 椰青 $46我哋仲叫咗椰青飲，新鮮椰青大大個好清甜，裏面每一寸椰青肉都可以用匙羹𢳂出嚟
泰式春卷 $68
八件半條斜切見到好整齊嘅炒粉絲，炸得乾身酥脆唔油膩，點個泰式辣醬好開胃
泰式春卷
18 瀏覽
0 讚好
0 留言
地道椰汁雞湯 $88
個椰汁雞湯好鮮甜，充滿泰式香茅味，飲多兩碗都唔會好滯，入面有大量菇片、雞肉、蕃茄仔好足料
地道椰汁雞湯
17 瀏覽
0 讚好
0 留言
咖喱牛腩釀巨型麵包 $88
本身諗住嗌泰皇咖喱軟殼蟹巨型麵包包，但另外想食個脆麵只有軟殼蟹，加上呢個牛腩麵包性價比更高就揀咗。真心超大份，牛腩都好多，咖喱熱辣辣好濃郁又唔會太鹹，至於個包由頂至底都係外脆內軟，真心推薦
泰式軟殼蟹脆麵 $118
第一眼見到個脆麵有啲似食中菜嘅炸物墊底嗰啲吸油麵條，但食落勁驚喜，係脆卜卜，淋上甜酸汁超好食，唯一美中不足係個軟殼蟹比較厚粉，不過炸起嚟就大隻啲好睇啲🤣
泰式椰絲糕（5件） $38
一層大菜糕、一層椰青糕，質地挺身，食完濃味泰菜食返件清新甜品好正
椰青 $46
我哋仲叫咗椰青飲，新鮮椰青大大個好清甜，裏面每一寸椰青肉都可以用匙羹𢳂出嚟
椰青
12 瀏覽
0 讚好
0 留言
張貼
