曼菊泰國料理 (已搬遷) 新店位置

第一次見到有專做泰國菜嘅快餐形式餐廳，泰國菜本身中價位，可以以平民嘅價值嘆到泰國菜，真心想佢開係我屋企附近😂必定會成為每晚飯堂😬選擇都唔少架，仲可以揀餐添😚位置都算多，自己點完餐再係櫃枱自取。 但係好多人都叫外賣拎返屋企食。今次我就叫咗呢個青咖喱豬頸肉配白飯❤️青咖喱好惹味，唔會太辣，食唔到辣嘅朋友仔或小朋友都啱食。本身都已經好鍾意食青咖喱嘅味道，估唔到喺呢度嘅地方小店都可以試得到，仲要係好食添！豬頸肉厚切啖啖肉，蔬菜配料亦好多。可以建議大家去買件法包有蒜香，熱辣辣，沾上咖喱一齊食，一定無得輸啦😛