隆姐泰國美食館

營業中

休息中

去得九龍城，首推一定係泰菜，我都試過好多泰菜，但今次介紹呢間，真係做到平靚正。鹹菜豬肚湯，好多配菜，老婆飲咗少少，但我就覺得好好飲，暖肚又開胃。海南雞飯，我地加咗$8轉雞脾，因為老婆鐘意食雞脾肉，滑啲！兩個仔女就好鐘意食海南雞，因為配油飯，所以好快清哂成碟。咖哩大包，我地揀咗配軟殻蟹，成個包都食得，咖哩唔辣，小朋友拎住麵包「點」咖哩食，好開心！泰式飲品：泰國椰青，每次食泰菜必叫，飲完啲椰青水，仲可以食椰肉。泰式飲品2：咸檸七，飲完喉嚨好舒服。