壹級日本料理 (已結業)

今日約左好耐無見既同事食飯, 佢介紹佢家附近有間又平質素又唔錯的日本料理餐廳, 於是去試下先。 我地叫左鱈魚干同芝麻手羽, 鱈魚干上枱時仲是暖暖的, 食落口甜甜脆脆, 忍不住不停地食食食, 必點之選! 至於芝麻手羽就炸得鬆鬆脆脆, 肉質嫩滑同多汁。 主食方面我地3個女仔都比較仲意食面, 所以我地點左胡麻中華冷面, 配料有紫菜, 蟹柳, 青瓜, 雞蛋絲, 雞肉同冷面, 非常豐富,而且配料切到大小同冷面差不多, 加埋自家調配過既胡麻汁, 非常惹味醒胃。 最後叫左墨汁蜆肉帶子炒烏冬, 一上枱香氣十足, 有2粒很大的帶子, 烏冬勁彈牙而且十分掛汁, 勁好味! 食到成個咀都黑晒, 不過蜆肉份量就略嫌少左D, 如果可以多返少少蜆肉就更棒了。 雖然位置唔算好就腳, 但勝在質素好又平, 下次可以再來過。