爺爺雞飯 (金百利中心) (已結業)

冇諗過喺銅鑼灣都食到平靚正嘅晚餐！如果想食得豐富，套餐都係一個唔錯嘅選擇！不過我哋兩個女仔又食得唔多，於是都係決定散叫。椒鹽豆腐豆腐香脆可口，香口的椒鹽令人胃口大開，而且份量都幾多，性價比高。話梅芭樂芭樂係我其中一樣好鍾意食嘅水果，加咗話梅粉之外，味道甜甜酸酸，還提升了芭樂的鮮甜。爺爺無骨海南雞配油飯海南雞肉質鮮嫩，口感幼滑，由於已經起晒骨，所以食落啖啖肉。低碳或者生酮嘅朋友如果唔想食油飯可以轉椰菜花飯，但係我自己就覺得食海南雞飯配油飯是絕配，所以沒有更改。新加坡叻沙滲滲叻沙香味濃郁，帶點微辣，滲滲連同叻沙湯底一同進食，絕對可以滿足口腹之欲。配料除咗有兩隻大蝦之外，還有魚片、豆卜等，非常推介。