味真 (已結業)

前幾日去左食韓燒，搵左間未食過既諗住試下，食完只可以講：鐘意食韓燒的人有福了，你地絕對唔可以錯過呢間位於沙田銀城街既味真MIJIN MEAT！呢間平價，用料好，環境舒服既韓燒餐廳，係韓國有成超過130間分店，舖頭由韓國人主理，保證食到最正宗嘅風味。前菜同一般嘅韓燒餐廳一樣，呢度都會提供各種泡菜做前菜，仲有一大碗沙律，新鮮得嚟味道唔錯，非常開胃伊比利豬肩肉伊比利豬肩肉係呢度嘅必試之選，肉質鮮嫩多汁，脂肪分佈均勻，店員唔忙嘅時候仲會主動過嚟幫手燒，燒到焦香金黃後，用生菜夾住，再加啲泡菜，每一啖都係享受。豬梅肉豬梅肉係另一個推薦之選，肉質細膩，經過燒烤後，香味四溢，亦都係一流。最緊要嘅係，每100 g都只係59蚊，以香港嘅韓燒價錢嚟講，真係抵到喊，佛心公司！豬皮豬皮已經預先燒好，食落有少少漿漿地但又彈牙嘅感覺，沾上咖哩粉同黃豆粉，味道層次非常豐富超香口，令人一試難忘。一口燒墨魚墨魚好新鮮，燒到岩岩好後，食落有少少焦香之餘又有墨魚香，店員大推可以沾少少佢地既茄汁，酸酸甜甜咁更加惹味肥牛麵豉湯去韓國餐廳必飲佢地既大醬湯，湯底濃郁，我最鐘意一啖白飯一啖湯咁食，超爽。呢間餐廳嘅氛圍係比較家庭式，非常