影片
更多
2009-04-12
19 瀏覽
阿媽生日，落左ORDER要搵間平平地，又要近我家姐屋企的，咁我就諗起馬鞍山海港，幾年前食過，印象都好好﹗所以就訂位了﹗平日晚飯都分兩輪，6:30 或8:30，我地選左8:30，好啦，出發﹗10個人，8:30，個個都好肚餓，第一件事叫送先﹗（好可惜唔記得影相）1. 半隻燒鵝2. 一隻燒雞3. 一條大青班4. XX雜菌煲5. 咕嚕肉6. 台式豬手煲7. 蒸豆腐8. 瑤柱菜膽9. 魚腐上湯浸莧菜係呢度熱烈推介嘅必定係燒鵝，皮脆，肉嫩，唔鞋口，又JUICY，我地一家人對鵝嘅渴求唔係太大，叫半隻， 一人兩舊，已經好開心，相反，如果叫一隻，就大家互相推黎推去，今次叫半隻真係好明智。我地屋企人個個都鐘意食雞，所以點都要叫一隻黎充撐場面；一隻雞，幾個ROUND都已經消滅左佢了﹗佢呢隻燒雞，同隻鵝一樣，都係皮脆肉嫩，同埋唔肥，好放心可以連埋皮一齊食。第三個推介係蒸豆腐；全名已經唔記得，佢有D細帶子係底，我估計再有蛋白同奶一齊連豆腐蒸，舖面仲有少量蟹籽同毛豆，呢個簡直很意料之外。因為D豆腐好滑，再加上佢有D帶子味道，放入口有種清新的感覺，送飯同就咁食都非常好﹗第四個推介係台式豬手煲，雖然我唔知台
10個人，8:30，個個都好肚餓，第一件事叫送先﹗（好可惜唔記得影相）
1. 半隻燒鵝
2. 一隻燒雞
3. 一條大青班
4. XX雜菌煲
5. 咕嚕肉
6. 台式豬手煲
7. 蒸豆腐
8. 瑤柱菜膽
9. 魚腐上湯浸莧菜
係呢度熱烈推介嘅必定係燒鵝，皮脆，肉嫩，唔鞋口，又JUICY，我地一家人對鵝嘅渴求唔係太大，叫半隻， 一人兩舊，已經好開心，相反，如果叫一隻，就大家互相推黎推去，今次叫半隻真係好明智。
我地屋企人個個都鐘意食雞，所以點都要叫一隻黎充撐場面；一隻雞，幾個ROUND都已經消滅左佢了﹗佢呢隻燒雞，同隻鵝一樣，都係皮脆肉嫩，同埋唔肥，好放心可以連埋皮一齊食。
第三個推介係蒸豆腐；全名已經唔記得，佢有D細帶子係底，我估計再有蛋白同奶一齊連豆腐蒸，舖面仲有少量蟹籽同毛豆，呢個簡直很意料之外。因為D豆腐好滑，再加上佢有D帶子味道，放入口有種清新的感覺，送飯同就咁食都非常好﹗
第四個推介係台式豬手煲，雖然我唔知台式的豬手其實係乜？但佢個味較得啱啱好，而家重點係好林，唔會痴牙，個汁又好味；好可惜係.....佢每舊的SIZE不一，而且真係一人得一舊，冇得客氣﹗
第五個推介係條魚，雖然條魚有少少OVER左，鞋左少少，不過條魚都係新鮮魚，某一D位置都食到好滑溜的感覺﹗而且條魚足有1斤1X兩，都好大條﹗但係只係..........$168，仲可以點？
其實叫9個送，有5個都推介，都算係咁啦﹗其他個4味，大部份都係菜，都好穩陣，亦都唔差，其中個XX雜菌煲，D菇有好多款，都推介﹗唯一一個唔推介的就是咕嚕肉，佢唔係用排骨整的，佢只係用豬柳整，呢個都未係大問題，最主要係個汁唔得，D肉又硬，又唔入味，呢個極度唔推介﹗
另外，D阿姐都好好笑容，斟茶換碟全部自動波，坐得亦舒服﹗可以再ENCORE﹗全晚10個人，個個都讚不絕口，最緊要係平，埋單$969﹗
張貼