甘香齋 (已結業)

因為我同哥哥都係鰂魚涌返工，所以有時食lunch會一齊食。今日哥哥介紹我去一間美味齋店，佢話啲餸冇乜味精同埋重點係夠平。雖然門口同店內比較簡陋，但吸引我去幫襯。12點幾去到冇位坐，所以買外賣。真係好抵三餸一湯外賣＄37，堂食貴少少因為白飯任裝。三餸我叫咗魚香茄子南瓜芋頭同雲耳豆腐，全部都好味，碗湯又夠清又夠味。呢個年代＄37食個lunch仲要食得飽仲要在鰂魚涌真係唔係幾多間! 睇黎以後買飯又有多一個撰擇了。