八方台式麵屋 (新都城中心二期)

營業中

休息中

屋企樓下商場有開咗新餐廳,係我最鍾意嘅台灣野梗係要試吓啦,望吓價錢仲要好抵食，一於同小朋友一齊嚟食。小朋友不嬲都好鍾意食台灣嘅蔥油撈麵，呢度嘅撈麵肉燥醬汁香濃，麵條有咬口，味道好惹味小朋友食到停唔到口而我就試吓佢嘅台灣牛肉麵，除咗牛肉之外仲有牛丸同其他配料，有少少辣辣地但係味道好出色，食落口唔會好油，湯底好好味，白蘿蔔有曬湯味但入口依然食到好甜，牛肉麵價錢仲比連鎖店平添，我下次一定要再試其他。另外就試咗兩款小食，炸雲吞小朋友非常鍾意，即炸夠新鮮，而我最鍾意一定係台灣最出名嘅鹽酥雞啦，鹽酥雞唔會剩係得炸粉，見到都好多肉好大嚿，配埋珍珠奶茶，成餐飯真係好有台灣風味。