閨•家 (西九龍中心) (已結業)

黎呢到最緊要係飲佢個老火湯，好用心既一碗家庭湯水。🥢手剁鹹魚煎肉餅飯🥢 $48之前食佢個鹹魚肉餅併豬扒飯，得一塊鹹魚肉餅唔夠喉，最衰佢無得單叫，不過比我見到剩鹹魚肉餅飯，鹹香多肉汁既肉餅真係超下飯，🥢咖哩豬扒飯（小辣）🥢$50豬扒、紅蘿蔔、薯仔，所有材料都經油炸過，特別香口，尤其係豬扒表面焦脆。豬扒本身無咩底味，味道來源主要都係咖哩，佢個咖哩汁味道同口感係一流，汁撈飯都滿足！🥢日式鰻魚炒飯🥢 $52鰻魚粒都幾多下，仲有粟米粒同生菜粒做配料，粒粒飯都好有味，之前覺得佢地既米飯偏軟，不過改善左好多，但係作為炒飯黎講認真差咁D，做唔到炒飯既精髓。