影片
更多
2017-05-30
717 瀏覽
自從去過日本，本人都算得上係鰻魚嘅愛好者，近排聽同事講開原來長沙灣有間鋪嘅鰻魚飯都幾出名咁。所以放工專程約左個朋友去會一會佢。一早黎到，見佢鋪頭唔算大，大約可以坐30人但裝潢同擺設都幾靚，有啲日本居酒屋格局嘅FEEL。除左鰻魚飯，我地仲叫左幾樣小食同串燒，味道結果發現都幾唔錯，值得一試。下次帶另一半黎食都係唔錯嘅選擇。首先黎嘅係七味魚翅。口感食起黎好似牛肉乾咁，但就比牛肉硬多少少，幾香口過癮的。會有口痕就想咬一件嘅感覺，好適合同朋友或同事收工後促膝長談時用黎佐酒。 之後係鐵板芝士焗餃子。芝士加上中華餃子，前所未見過嘅配搭。芝士味不重所以唔會搶左餃子本身的味道。十分意外係睇落焗走晒啲水分，但餃子入面嘅餡料仲好有肉汁，唔會焗到好乾。唔錯唔錯。鹽燒厚切牛脷。燒製嘅時間啱啱好，牛脷厚得黎又唔會太韌而且保留都多肉汁同油脂。喜歡牛脷嘅朋友千奇唔好錯過。黑蒜黑豚肉卷。呢個比較上普通。因為佢肉質燒完比較乾，同埋乾左嘅黑蒜鋪上面頭令到個賣相麻麻，好似燒燶左咁。不過個黑蒜汁係幾好味嘅，輕輕嘅蒜香同甘味令豬肉嘅變化多左。可以嚐鮮一下。最後當然係呢到的招牌作＂原條炭火燒鰻魚飯＂啦，剛入座嘅時候見隔離幾台都食緊
一早黎到，見佢鋪頭唔算大，大約可以坐30人但裝潢同擺設都幾靚，有啲日本居酒屋格局嘅FEEL。除左鰻魚飯，我地仲叫左幾樣小食同串燒，味道結果發現都幾唔錯，值得一試。下次帶另一半黎食都係唔錯嘅選擇。
七味魚翅
$68
23 瀏覽
0 讚好
0 留言
首先黎嘅係七味魚翅。口感食起黎好似牛肉乾咁，但就比牛肉硬多少少，幾香口過癮的。
會有口痕就想咬一件嘅感覺，好適合同朋友或同事收工後促膝長談時用黎佐酒。
鐵板芝士焗餃子
$68
18 瀏覽
0 讚好
0 留言
之後係鐵板芝士焗餃子。芝士加上中華餃子，前所未見過嘅配搭。芝士味不重所以唔會搶左餃子本身的味道。十分意外係睇落焗走晒啲水分，但餃子入面嘅餡料仲好有肉汁，唔會焗到好乾。唔錯唔錯。
鹽燒厚切特上牛脷
$68
30 瀏覽
0 讚好
0 留言
鹽燒厚切牛脷。燒製嘅時間啱啱好，牛脷厚得黎又唔會太韌而且保留都多肉汁同油脂。喜歡牛脷嘅朋友千奇唔好錯過。
黑蒜黑豚肉卷
$48
21 瀏覽
0 讚好
0 留言
黑蒜黑豚肉卷。呢個比較上普通。因為佢肉質燒完比較乾，同埋乾左嘅黑蒜鋪上面頭令到個賣相麻麻，好似燒燶左咁。不過個黑蒜汁係幾好味嘅，輕輕嘅蒜香同甘味令豬肉嘅變化多左。可以嚐鮮一下。
原條成田醬炭火燒鰻魚飯
$128
12 瀏覽
0 讚好
0 留言
最後當然係呢到的招牌作＂原條炭火燒鰻魚飯＂啦，剛入座嘅時候見隔離幾台都食緊，我都已經流哂口水了。
鰻魚真係好大條，差唔多同我前臂一樣咁長。甜咸甜咸嘅照燒醬汁同鰻魚夾得啱啱好，炭火嘅焦香令軟綿綿嘅鰻魚風味提升上另一層次。但係份量太大搞到最後有啲飯食唔哂，不過鰻魚就食到飽一飽啦，哈哈。
張貼
