真心泰國菜館 (已結業)

今日黎到旺角覓食，偶然比我發掘到一間平靚正既小店！食物質素同服務都唔錯，而且由泰國人主理，味道相當正宗。正值下午茶時段，打開餐牌我真係呆左，價錢超級平，只需$28就有一碗泰式粉麵，仲包埋甜品。平時雞湯河就食得多，今次就選擇左鴨河。湯底好濃郁，而且鴨肉份量都幾慷慨。雖然係下午茶，但河粉既份量都無減，食到好飽呀！整體味道都幾好，但湯底比較濃，食到最尾會有啲膩。加幾蚊就有多杯泰式奶茶，味道較甜。附送既甜品，味道冇乜特別。總括而言，食物味道唔錯，店員好有禮貌，重點係下午茶真係超級抵食👍🏻