曼谷水門海南雞飯 (已結業)

今日同舊同事難得約出黎，順便食埋early dinner先返屋企。呢間小店得四樣食物同飲品，代表餐廳對自己既食物一定好有信心，一於入去食。我地當然嗌晒四樣食物啦，分別係正宗水門海南雞飯、泰式軟綿綿豬手飯、青木瓜沙律、芒果糯米飯，飲品要青檸梳打、烏龍茶。正宗水門海南雞飯雞肉嫩滑，黃薑飯薑味幾出，連醬汁都唔錯。泰式軟綿綿豬手飯豬手皮真係軟綿綿，肉質唔夠雞肉嫩滑，但勝在量多。青木瓜沙律對我黎講都頗辣，但舊同事就好鍾意呢種辣。芒果糯米飯唔會好甜，有白米同紫米，紫米幾有咬口。青檸梳打好夠氣，可以嗌走甜架。