坤記牛什茶餐廳

營業中

休息中

星期六係將軍澳運動場打完波，經過呢一間唔多起眼嘅茶餐廳，裝修懷舊，滿滿人情味✨✨嗌咗個雙拼牛腩雲吞河粉連凍檸茶，盛惠55元，價錢合理。侍應姐姐一放低個碗，即刻嚇一嚇，份量十足，已經好耐未係一間粉麵店見過咁足料啲牛腩半肥瘦，有咬口，絕對唔輸出面牛腩店。最欣賞哩間啲雲吞，皮薄餡多，有肥豬肉同鮮蝦，口感更佳，加埋潮州辣椒油，一個字，爽！好少會寫食評，但係香港傳統茶記越來越少，出邊大多數大集團經營，希望香港傳統文化繼續承傳，支持多啲小店。