影片
更多
2018-06-13
32 瀏覽
近年潮流返冰室，開到淋羅滿目，新派既懷舊既各式各樣既都有，但做得好先係重點。今日落大雨係旺角做完野已經成8.9點，諗住係女人街搵食，反正兩條內街都係食市，總有一間岩。誰不知俾我誤打誤撞搵食搵到間好野❤️ 原本係無留意到呢間餐廳既，但企門口有位服務員好好禮貌又態度好好作招徠，反正無主意，就決定試試先。入到去燈光微微昏暗，幾有情調，裝修亦明顯有花心思，餐桌，牆壁，擺設都很有格調。好快服務員就送上餐牌，我地一行二人各自點左冰室雜扒鐵板同菠菜茸帶子蟹肉天使麵。不得不說真係好平又正，可以跟餐加錢配小食，我地點左蒜香雞中亦(18$)，又可以加錢轉酥皮湯(12$)同飲特色飲料 (9$)，服務生仲好好問我地要不要點甜品，話幫我地留住先，因為多人嗌，我地就要左菠蘿同芒果雪芭！首先酥皮湯不太濃，淡淡菜味蕃茄味好好食，又不會太滯又暖胃，影響之後食主菜。蒜香雞亦真係10級好食，炸到脆卜卜，熱辣辣又醃得入味，一份有4隻，點左一份其他想再食唔夠喉！主菜雜扒鐵板真係好足份量，又牛，雞同羊架。大大件配上黑椒汁，不僅扒夠大，配菜亦好多，岩哂我對面果位大胃王😂肉質夠淋又入味，配上鐵板煎到岩岩好上枱！而我既菠菜茸帶子蟹肉天使
今日落大雨係旺角做完野已經成8.9點，諗住係女人街搵食，反正兩條內街都係食市，總有一間岩。誰不知俾我誤打誤撞搵食搵到間好野❤️
原本係無留意到呢間餐廳既，但企門口有位服務員好好禮貌又態度好好作招徠，反正無主意，就決定試試先。入到去燈光微微昏暗，幾有情調，裝修亦明顯有花心思，餐桌，牆壁，擺設都很有格調。
好快服務員就送上餐牌，我地一行二人各自點左冰室雜扒鐵板同菠菜茸帶子蟹肉天使麵。不得不說真係好平又正，可以跟餐加錢配小食，我地點左蒜香雞中亦(18$)，又可以加錢轉酥皮湯(12$)同飲特色飲料 (9$)，服務生仲好好問我地要不要點甜品，話幫我地留住先，因為多人嗌，我地就要左菠蘿同芒果雪芭！
首先酥皮湯不太濃，淡淡菜味蕃茄味好好食，又不會太滯又暖胃，影響之後食主菜。
蒜香雞亦真係10級好食，炸到脆卜卜，熱辣辣又醃得入味，一份有4隻，點左一份其他想再食唔夠喉！
主菜雜扒鐵板真係好足份量，又牛，雞同羊架。大大件配上黑椒汁，不僅扒夠大，配菜亦好多，岩哂我對面果位大胃王😂肉質夠淋又入味，配上鐵板煎到岩岩好上枱！
而我既菠菜茸帶子蟹肉天使麵同樣可口，份量同樣夠多，太子大大粒，煎得外金黃內軟，菠菜汁調味內有蟹肉十分適合。
最後甜品，雪芭服務員又係勁貼心，幫我地燒軟少少，等我地筆泥食無咁硬之餘佢話咁樣可以令香味散發出來，的確真係勁香😌😌啖啖菠蘿肉雪芭軟棉棉，另外芒果雪芭芒果味勁香，超香濃！兩種都好鐘意！
最後想講呢間真的很不錯，整體都令我感到滿意，服務態度良好，食物質素滿意，價錢適中！好盡興既一餐！👍🏻👍🏻👍🏻👍🏻👍🏻👍🏻必定再泥，下次試下午餐先。
張貼
