鍾廚

營業中

休息中

今日老媽子突然話想約外父外母夜晚食飯, 我記得時代廣場稻香集團間鍾廚呢幾晚做緊85折, 即時打去訂枱, 可惜今日係星期六, 枱已訂滿。😌雖然知道鍾廚枱已訂滿, 不過我同老婆都預早去碰碰運氣。我地兩個未到18:00已到鍾廚, 好好彩, 店員安排到一張枱俾我地, 只要我地20:15前能交枱說可以。😍我地即時入座再致電四大長老。我地坐的六人枱係窗口位, 人齊時天都仲好光。鍾廚係時代廣場, 呢幾層好多食店。我地6點幾入座時天仲好光, 真正天光食到天黑。😂鍾廚裝修同擺設都幾有古中國色彩。呢幾日時代廣場搞緊優惠活動, 所以晚市小菜有85折。😍叉燒唔太肥不過都好腍軟入味, 牙力唔太好的長老都食得津津有味。燒鵝同叉燒一樣用火熱住上枱, 所以可以保存一路食麵咁熱, 燒鵝皮脆肉嫩。唔錯。豬肺湯杏仁味好濃, 豬肺都好好食。材料好多。油麥菜用甜麵醬煮, 幾惹味, 不過如果想食清淡d就唔太合適。西星班魚肉好嫩滑, 唔太大條, 應該約一斤左右。荷葉飯份量超級多, 雞肉亦都唔少, 抵食。不需加一同茶芥, 仲有85折, 好抵食。