富臨漁港囍臨門酒家 (已結業)

從來冇寫食評，今日要抒發感情。難得新年一班好友相聚，諗住飲茶食番一盅兩件，賞心樂事，點知開咗茶之後問攞點心紙啦，伙記話今日冇點心紙，有都只係好少，只得枱面兩大張套餐紙。恕我材疏學淺，去酒樓冇點心叫我都係第一次，伙記話你地叫咗套餐，都有d點心可以叫嘅😒，仲話，今日係開工日，好多人嚟飲茶驚蒸唔切點心（重點：咁套餐就整得切囉🤨）茶位已開，食晏時間7個人都唔知去邊搵過第二間食，唯有就範！至於套餐內容，咪同團年飯套餐差唔多囉，人均$250！呢個故事教訓我地，新年訂位飲茶時、攞位入座前，記得問有冇點心紙tick喇！