影片
更多
2023-01-27
2041 瀏覽
🐰年初四- 韓國菜🐇第一次試呢間，朋友講醬油蟹好好食。我地book左8人枱，安排左坐上層，點左以下食物🤑1）醬油蟹x2份+白飯已經接近三年無食既醬油蟹，無試過係香港食呢！呢度既醬油蟹係一碟一隻，是大size ,是有羔既肉蟹，開頭都諗會唔會好腥呢？點知都幾接近韓國水平，幾鮮甜，又唔會比醬油搶味，佢醃得岩岩好，肉質亦都算唔淋，佢唔算係最蟹羔個種，但係撈飯食真係人間美味！值得一點既菜式！2）海鮮韓式煎餅🦑🐙🦐🥬呢個煎餅都係店中signature ，見到每枱都點既程度❤️佢用左大量既韮菜同海鮮去整，豐富既程度係材料比粉量更多，每啖都食到脆卜卜既煎餅同食材，仲有佢地既醬油唔會太咸（有點微甜），呢個係💯💯💯💯值得一食！3） 燒韓國鰻魚🐟我未試過有人代燒鰻魚，因為通常魚類都比較易燒到痴底同易焦黑同爆口，店員好細心咁講鮮佢地點整，先會用大火加熱塊板，然後將大大片既鰻魚先煎成一塊塊，每邊煎2-3 分鐘，改做細心再燒到脆卜卜先加醬料黎食。醬料又同日本式鰻魚唔同。佢整時已流口水🤤煎完既鰻魚有魚既油香同外皮脆身，大家都有3-4 件份量，佢仲分得好平均呢！連長輩都覺好食4）韓燒豬五花/ 腩肉/ 牛舌佢地會幫手燒同
第一次試呢間，朋友講醬油蟹好好食。我地book左8人枱，安排左坐上層，點左以下食物🤑
1）醬油蟹x2份+白飯
已經接近三年無食既醬油蟹，無試過係香港食呢！呢度既醬油蟹係一碟一隻，是大size ,是有羔既肉蟹，開頭都諗會唔會好腥呢？點知都幾接近韓國水平，幾鮮甜，又唔會比醬油搶味，佢醃得岩岩好，肉質亦都算唔淋，佢唔算係最蟹羔個種，但係撈飯食真係人間美味！值得一點既菜式！
2）海鮮韓式煎餅🦑🐙🦐🥬
呢個煎餅都係店中signature ，見到每枱都點既程度❤️佢用左大量既韮菜同海鮮去整，豐富既程度係材料比粉量更多，每啖都食到脆卜卜既煎餅同食材，仲有佢地既醬油唔會太咸（有點微甜），呢個係💯💯💯💯值得一食！
3） 燒韓國鰻魚🐟
我未試過有人代燒鰻魚，因為通常魚類都比較易燒到痴底同易焦黑同爆口，店員好細心咁講鮮佢地點整，先會用大火加熱塊板，然後將大大片既鰻魚先煎成一塊塊，每邊煎2-3 分鐘，
改做細心再燒到脆卜卜先加醬料黎食。醬料又同日本式鰻魚唔同。佢整時已流口水🤤煎完既鰻魚有魚既油香同外皮脆身，大家都有3-4 件份量，佢仲分得好平均呢！連長輩都覺好食4）韓燒豬五花/ 腩肉/ 牛舌
佢地會幫手燒同剪開，但由於朋友係燒肉expert ( credit to @happysavi ),佢整完都脆卜卜金黃色好好食，仲點左生菜盤比大家包起黎食，好正
5）部隊鍋
呢個比較失色，佢要另點拉麪先有（同其他店唔同，平時正常有個麪係入面？）而且一開火d芝士無麪放上面，全部跌哂入湯（好奇怪），可能下次點另一個鍋😂😂😂
6）炸醬麵- 無特別，有點偏咸
店名：元豐園
地址：寶勒巷22-24雲龍商業大廈地鋪
韓國🇰🇷菜
#eatwithvava #eatwithvava_tsimshatsui #eatwithvava_koreanfood
張貼
