六十年華

營業中

休息中

年年歲歲花相似，歲歲年年人不同，六十年華好有感覺🥹，人生豐富左，估唔到呢度既食物選擇都咁豐富😆。餐廳夠光潔明亮，裝修好有時代咁🤭。座位闊落，坐得好舒服😆！餐牌有小菜套餐及鐵板餐，最貴嗰款小菜兩人餐都係$198，包埋例湯同白飯，如果飲埋凍飲都係加$3，真係好抵食🤭🤭。今次叫左鐵板黑椒原隻咸豬手同埋濃湯素翅雲吞雞😋，仲有西蘭花鮮魷，再加支啤酒，人生一大樂事😁！濃湯素翅雲吞雞，雞件係用油雞，所以本身已經有咸香味😋，加上用蠟燭一路熱住既，令到雞件更加容易吸收湯既精華，雲吞細細粒易食😂，唔錯。原來消費滿$168會送一個炒菜，因為唔知道，所以叫左個西蘭花鮮魷，下次可以叫少一個餸😂😂😂。太豐富啦，好飽呀🤭。鐵板黑椒原隻咸豬手，一上枱忍唔住「嘩」左一聲，咁大隻既😂😂。咸豬手肉質夠淋滑，黑椒味出色，味道唔會好咸，好惹味👍👍。兩人食左咁多野，飲埋啤酒先$290，真係抵食又有風味，估唔到「六十年華」令我咁回味🤗，選擇都好多，下次要試埋鐵板餐🤭。