海安咖啡室 (已結業)

海安咖啡室係香港最老冰室，成５０幾歲，歲月的痕跡令人驚豔，彷若穿越時光。心血來潮，想試下Ｄ舊野，所以一早就仆出去食。鴨胸麵，套餐Ａ＄４３，福麵，無評論，因為真係同福麵一樣，鴨胸夠普通，想像中的味道，勝在夠平。菠蘿油，套餐Ａ包埋，單點＄１６，菠蘿包好普通，唔夠熱，舊牛油好厚，但唔香又油膩，可能真係有經驗先做到咁。鮮油多＄２２，多士麵包好普通，舊油既問題一樣。奶油脆豬＄１９，外酥內軟的麵包款式，鹹鹹甜甜酥酥脆脆，好味，估計是店內唯一好的產物，唯一必點。懷舊紅豆冰＄２７，淡奶味碎冰跟大粒紅豆的搭配，古老的甜蜜滋味，但遺憾太淡。海安咖啡室，果然是年紀大了，食物走下坡，食完我既感想係：覺得浪費左自己全日QUOTA，後悔死。