素年 (黃埔天地百寶坊)

營業中

休息中

素年喺香港係一間人氣比較高嘅素食cafe，之前我都食過深水埗分店，的確好味，同埋款式比較年輕化，我估呢個就係佢哋受歡迎嘅原因之一。就係有呢種創新嘅食店，令到素食唔再普通唔會再覺得老化。黃埔呢一間，都係朋友講我先知道有，同深水埗最大嘅分別就係呢度裝修比較闊落，坐得舒服好多。每次我都一定會叫嘅不可能蘑菇芝士漢堡，黃埔店唔同嘅係呢度可以自選醬汁，有煙燻茄子燒汁同蘑菇芝士可以揀，我就揀咗蘑菇芝士。賣相同樣好吸睛，好大份，漢堡扒juicy，配菜有蘑菇，蕃茄，生菜，好豐富。仲有呢度居然配埋墨西哥粟米片，有個牛油果醬可以點嚟食，唔錯唔錯。另外仲叫咗一個日式吉列豬扒定食，用新豬肉製成，味道同口感都同真嘅豬肉冇乜大分別，係少咗嗰種油膩感。吉列炸得夠脆脆地。飯腸咗十殼米 更加健康。