亞玉豆腐花

營業中

休息中

“ 三蚊嘅價錢，十蚊嘅質素” 用嚟形容亞玉豆腐花絕對不為過。當日中午行開荃灣， 係接近三十幾度嘅太陽關照下， 真係人都畀佢曬熟。諗起之前電視賣過嘅兩間豆腐花舖， 又咁啱喺附近， 所以就諗住過去食玩冰涼嘅豆腐花啦。當日亞玉豆腐花大概有二十人排隊， 但係佢哋手腳好快，大概等咗五分鐘左右就買到。我叫咗碗凍既豆腐花溝紅豆， 盛惠三蚊， 另外加咗兩蚊換個比較的色嘅缽仔糕。抵玩！豆腐花可以因應自己喜好加黃糖，糖漿或者薑汁。 冰凍既豆腐花好滑，好重豆味， 加上甜甜嘅紅豆， 成個人即刻透心涼，正。抵食指數100分。