影片
更多
2013-12-28
5655 瀏覽
十一月初，小肥突然患上「大腸激躁症」 ，腸胃不適，導致食慾不振，Auntie A請客差啲都要缺席；幸好食藥過後，腸胃得以舒緩，飯局當晚病情有好轉，小弟方可應邀出席。因醫生叮囑小肥要注意飲食，暫時唔準食太油膩之食物，此食評中o既食物分數及評語大多由當晚坐喺小肥旁邊o既Auntie P提供 。XO仔喺度想首先多謝Auntie A誠邀晚輩作客，以及Auntie P為食物作出評價，不過小弟更加要多謝同桌o既每位長輩給予XO仔無微不至o既照顧 ，真係好溫馨！印象中小肥多年前好似黎過「滿福樓」飲茶，記得食物質素都有番咁上下；冇再幫襯o既主要原因係地區擠塞 ，而且離地鐡站頗遠。「滿福樓」係酒店中菜廳，樓面高，冷氣足，地方光猛闊落，衛生舒適，就算全廳滿座都唔覺得特別嘈。客觀評論，雖則萬麗海景酒店貴為五星級酒店，但其下之「滿福樓」中菜廳o既服務就比較平庸 。服務生態度並非惡劣，但亦不見得特別友善，工作態度其實都算係幾散漫；當晚除咗分餸同上菜之外，沖茶、加水、換碟等都要客人不斷自己提出要求，佢地先慢條斯理去跟進，好多時都係客人自己斟酒飲添，唔講真係唔知自己喺酒店食緊野囉 ！Auntie A一早
印象中小肥多年前好似黎過「滿福樓」飲茶，記得食物質素都有番咁上下；冇再幫襯o既主要原因係地區擠塞 ，而且離地鐡站頗遠。「滿福樓」係酒店中菜廳，樓面高，冷氣足，地方光猛闊落，衛生舒適，就算全廳滿座都唔覺得特別嘈。
客觀評論，雖則萬麗海景酒店貴為五星級酒店，但其下之「滿福樓」中菜廳o既服務就比較平庸 。服務生態度並非惡劣，但亦不見得特別友善，工作態度其實都算係幾散漫；當晚除咗分餸同上菜之外，沖茶、加水、換碟等都要客人不斷自己提出要求，佢地先慢條斯理去跟進，好多時都係客人自己斟酒飲添，唔講真係唔知自己喺酒店食緊野囉 ！
Auntie A一早寫哂餸，人齊就開飯；先上四小碟，跟住飲湯，接住就上蝦、魚、雞、菜、飯、甜品，非常豐富 。
四小碟之脆皮燒腩肉：燒腩肉層外皮好香脆，肉質一啲都唔嚡唔實，而且肥膏唔算多，感覺唔油膩，所以小肥食完再食 。
四小碟之椒鹽九肚魚：驚椒鹽會刺激腸胃，所以XO仔冇食。據Auntie P報導，九肚魚做得唔夠鬆。
萬壽果螺頭煲鳳爪枚肉湯：個螺頭湯好足料，而且好夠火喉，帶甜o既味道濃得黎唔濁，面層又冇油，健康美味 ！細心o既Auntie P指出，師傅好有心機地舖砌出湯料，推砌出黎o既雞腳山以木瓜作底，美觀得黎無論係顏色定係食材都非常之有層次 。
豉油皇煎生中蝦：Auntie T同Auntie P二口同聲地大讚隻游水蝦新鮮爽口，煎得夠乾身，且野味得黎唔會過咸，似乎唔食得o既XO仔又走寶lu 。
頭抽薑蔥篜原條青衣柳：青衣並非魚形上，Auntie P猜測師傅係先將青衣切成一件件後先蒸；小肥冇諗過不過非常同意。青衣柳魚肉好滑，不過就如Auntie P所言般唔夠幼嫩，估計此乃師傅以「先斬後蒸」o既煮法所引致。
正宗鹽焗雞：鹽焗雞連雜上，雞肉香嫩入味，唔錯！
鮑汁柚皮唐生菜：鮑汁乃茨汁，大肥話算油膩，小肥又冇得食；唔知Auntie P係咪安慰我呢 ，佢話個鮑汁好有味，不過柚皮就有少少「渣」。
其他：四小碟之鹵水炸豆腐
四小碟之鹵水豬腳仔
臘味糯米飯
蛋白杏介茶「滿福樓」地方唔差，食物質素及美味程度屬中上，只係服務生態度欠缺誠意 ，平庸得很。因Auntie請客，餸菜價錢不詳，作為後輩o既小肥亦唔好意思問，抵唔抵食就不得而知。XO仔當日雖然不在狀態，進食不多，但仍得到多位長輩關心，深感榮幸被邀之餘，簡直係幸福滿瀉 ；Auntie Uncle們～感激！感激！
張貼
