沙田茵餐廳 (已結業)

久不久就想去懷緬一下呢間沙田既老餐廳，呢度巳超過五十年歷史，雖然餐廳位置比較偏僻，以前要自行駕車才可到，但現在其實係大圍站步行十五分鐘就可到達，環境清幽，可以悠悠閒閒咁嘆下食下野，係三五知己閒談聚會既最佳選擇。 雖然食物種類唔多，但味道都好好㗎。老鋪店，門牌唔花巧，簡樸老實。店外有露天座位，相當寫意。加多加多(印尼沙律)，蝦片鬆脆，最愛係佢香濃既花生醬汁。 沙嗲串燒，仲有個炭爐燒著， 可以慢慢食，唔怕攤到凍左變唔好食，而且伴個正宗印尼醬汁點串燒，超正。咖哩角，咖哩唔算辣，香口鬆化。