上海廳 (已結業)

今日特登帶家人來食飯，星期六7點幾來到無乜幾圍枱，所以即刻有位一坐低每人有杯膠杯裝嘅茶，點完菜後，第一道菜好快就上左枱，係紅油抄手，望落好似好辣，其實個醬汁係甜嘅，我個人覺得唔太够味但都可以一試好快就來左碟炒牛肉，有小小辣，牛肉得5塊左右，唔太抵食，味道偏鹹，係幾好送飯嘅菜，跟著都係好送飯嘅四季豆炒肉碎上海廳炒飯終於來了，望個樣唔算好吸引，食落飯粒都唔算好乾身，味道普通，偏鹹，可以唔試蒜泥白肉，下面嘅醬汁偏甜，白肉切得好薄，唔會難咬我個人最喜歡嘅一樣，就係上海炒年糕佢又唔會過鹹，年糕炒得岩岩好，超好食，我家人都讚不絕口最後，小籠包係我最期待嘅，第一時間就點左，賣相唔錯，但食落真係好失望，湯汁偏少，味道偏淡，整體上比較油膩，失望生煎包食落好乾，包內全部都係肉，沒有仼何蔥花，食完一個真係好滯五個人食左500幾蚊，算抵食，食物質素ok，服務一般，還須改善