兩草 (白布街)

營業中

休息中

今日係旺角行街，去到麥花臣球場附近，白布街，見到有一間門口裝修得好有特色嘅餐廳，兩草，門口餐牌有介紹餐廳某幾款招牌菜式，其中有豬油渣撈飯，我哋都十分感興趣，所以決定今晚喺度食晚餐。.🍚豬油渣溫泉蛋撈飯飯嘅份量唔算多，中小型嘅碗，豬油渣盛得滿滿的。豬油渣炸得香口，加咗甜豉油，加上撈埋溫泉蛋一齊食，既邪惡，又滿足。如果你鍾意食豬油渣麵，同埋一啲重口味嘅食物，呢個飯一定適合你。.🍚香煎脆邊蛋肉餅飯脆邊蛋，既太陽蛋，蛋黃呈半生熟，肉餅夠厚身，唔算非常特別，肉餅兩面都煎得脆脆的，用嚟送飯真係好正，有家既感覺。.🍚小籠包胡椒湯我非常期待嘅一個小食，本身非常喜歡食小籠包，胡椒湯帶有肉骨茶嘅味道，胡椒味非常重，好飲。小籠包既皮膚較厚，唔容易穿，每一粒都仲可以保留豐富嘅肉汁，好特別嘅一道小菜。.🍚蛋炒豬腸粉豬腸粉炒得非常夠味，豬腸粉本身冇特別嘅味道，係靠調味去帶出佢柔軟嘅口感，加咗碎蛋一齊炒，增添一份濃濃嘅蛋香。