友利冰室 x 勿當奴 (D2 Place TWO) (已結業)

是日同朋友行行下街想食返個tea，跟住見到好得意嘅勿當奴叔叔，就決定試吓呢間友利x 勿當奴。結論係如果你好想食某間M字頭嘅連鎖漢堡店，呢間一定可以滿足到你🤡🍔魚柳包餐 $48我同朋友不嬲都中意食魚柳包🤡呢度嘅比M記魚柳包起碼大1/3。魚柳仲脆脆哋嘅，醬都好足夠，口感夠濕潤。但略嫌太多醬，感覺完全蓋過咗魚柳同芝士嘅味。Personally真係覺得佢同M記exactly一樣🤡，不過份量多啲足料啲/個餐包埋薯條🍟 ，係扭紋果種，仲好熱好脆，正👍🏻仲包汽水，加$8可以轉自家製飲品或熱飲️。🧇忌廉蟹肉薯餅（跟餐加配$8）呢個一般，蟹肉有啲腥，唔建議特登加$8食🍗脆香雞翼 （跟餐加配$16）睇menu應該得2隻，唔知點解多咗2隻香辣雞翼。脆香雞翼夠曬香口，另外兩隻都好夠辣，入面嘅雞肉又唔會好乾。特別一提嘅係所有嘢食送到上枱仲係好夠熱🔥🔥，唔係涷冰冰❄️，推介比好想食快餐/平價burger嘅人，物有所值。