金田家 (已結業)

柚子辛口拉麵真係唔係度度有得食，呢個拉麵既味道配合得剛剛好，有柚子既清香、仲有中間一點辣醬，個辣醬似韓式辣椒醬、帶少少甜唔會好辣，兩種味道配合得剛剛好，唔會搶哂啲味，配住濃厚既豬骨湯底食，冇咁膩，但個人覺得湯底咸左少少。最欣賞呢度有炒過既芝麻可以比你磨碎之後加入去碗麵度一齊食，真係好香、昇華左成碗拉麵既味道。叉燒有兩大塊，好瘦好乾既感覺，個麵都幾掛湯，但麵質一般，麵量偏少，配菜就只有一塊紫菜同極少既芽菜，男士就一定唔會夠飽。總括黎講個拉麵味道過得去啦，但咁既份量，加埋一要$107 就唔係好抵食。如果想嚐鮮、唔想下下食普通豬骨拉麵既時候都可以黎試下。題外話，呢度個view都唔錯，可以望到出面既山景，座位闊落、坐得都幾舒服。