影片
更多
2018-08-19
918 瀏覽
肥妹仔我好鍾意紅磡呢一個地方，因為紅磡有好多小店有好嘢食，今日肥妹仔路過一間叫鮮蒲嘅麵食店，見到佢哋嘅餐牌上面寫住招牌錫紙粉絲。肥妹仔又未試過喎! 所以就入咗去試下啦。排骨湯麵 $45個排骨麵湯底好濃肉燥味好香，而且排骨嘅分量好多，啖啖都係肉!佢嘅特別之處除咗個湯好香肉燥味外，仲有一啲炸黃豆粒，脆卜卜，非常香口，食落去冇咁單調。招牌錫紙貝殼粉絲 $52呢個就係佢哋出名嘅粉絲，粉絲嘅配料有好多，有沙白，茶樹菇，木耳，生菜，魚旦等等。 沙白無沙，茶樹菇，木耳，生菜都好爽脆，幾清新! 肥妹仔嗌咗個微辣嘅湯底，食落去有少少刺激喉嚨嘅感覺，好過癮!粉絲索曬啲湯汁， 好入味。爽滑木耳 $26肥妹仔我好鍾意食木耳，因為聽聞木耳嘅營養好高，可以幫助減低血壓。木耳應該撈咗少少麻油同佢哋獨特嘅醬汁，食落去非常爽脆，一啲都唔油膩。手拍青瓜 $26青瓜非常新鮮，多汁同爽脆，好好食。惹味豬肚絲 $34肥妹仔我不嬲都唔抗拒食內藏，佢嘅豬肚絲醃得好入味，醬汁有少少微辣，豬肚絲嘅肉質就非常爽口但都幾厚身，而且都一啲都冇豬臊味 ，不錯。豆漿蘭香籽 +$10食咁多重口味嘅嘢又點可以唔叫番支嘢飲呢？呢個豆漿個味道好特別
排骨湯麵 $45
個排骨麵湯底好濃肉燥味好香，而且排骨嘅分量好多，啖啖都係肉!佢嘅特別之處除咗個湯好香肉燥味外，仲有一啲炸黃豆粒，脆卜卜，非常香口，食落去冇咁單調。
招牌錫紙貝殼粉絲 $52
呢個就係佢哋出名嘅粉絲，粉絲嘅配料有好多，有沙白，茶樹菇，木耳，生菜，魚旦等等。 沙白無沙，茶樹菇，木耳，生菜都好爽脆，幾清新! 肥妹仔嗌咗個微辣嘅湯底，食落去有少少刺激喉嚨嘅感覺，好過癮!粉絲索曬啲湯汁， 好入味。
爽滑木耳 $26
肥妹仔我好鍾意食木耳，因為聽聞木耳嘅營養好高，可以幫助減低血壓。木耳應該撈咗少少麻油同佢哋獨特嘅醬汁，食落去非常爽脆，一啲都唔油膩。
手拍青瓜 $26
青瓜非常新鮮，多汁同爽脆，好好食。
惹味豬肚絲 $34
肥妹仔我不嬲都唔抗拒食內藏，佢嘅豬肚絲醃得好入味，醬汁有少少微辣，豬肚絲嘅肉質就非常爽口但都幾厚身，而且都一啲都冇豬臊味 ，不錯。
豆漿蘭香籽 +$10
食咁多重口味嘅嘢又點可以唔叫番支嘢飲呢？呢個豆漿個味道好特別，有一種香料嘅味。飲落去好香，比起一般豆漿冇咁單調。
張貼
