新西貢 (已結業)

小弟很少在尖沙咀「上樓」搵食，早排一直想食越南野未搵到 0岩既，今次去完中港城經過，竟然見到呢個招牌，俾膽粗粗上去試下。我叫左個蟹餅同海鮮湯檬 --- 先講蟹餅: 正! 份量適中，咬落有咸香! 呢個造法我印象中係第2次遇到，如果唔怕熱氣，真係幾好食架。再講海鮮檬粉 --- 也不錯，個湯夠香料味 (個人意見，這是越式湯粉很重要的一環，不容有失)，個麵質地OK，海鮮以魷魚為主，亦冇欺場。物價高漲，兩樣野埋單約100元，整體而言，已值一個高分。