意八餐廳 (已結業)

住得係藍田都應該冇可能冇聽過itamomo 呢間餐廳，一間抵食而又多選擇嘅意式餐廳。 不過平時就食開午餐同晚餐廳下午茶都係第一次試。 平時menu都唔見有呢個熱鍋，好似得下午茶有就決定試下。海苔活蜆豚骨湯泡珍珠飯熱鍋以下午茶份量嚟講，份量都幾足，一上枱已經聞到好香嘅麻油味。 呢個熱鍋其實係類似泡飯嗰類，啲珍珠飯浸咗係湯入面，好易入口，d飯又唔會太爛。成碗野有六七隻活蜆，好足份量。海苔鮮菌豚肉豚骨湯泡珍珠飯熱鍋同活蜆果碗差唔多，都係幾鮮味，鮮菌嘅份量都幾多，亦都同珍珠飯好配合。